Þetta er ennþá fyndið

Hahahahahahahahahahahaha...

Ég er nú meiri lúðinn

Dagur í lífi Heklu:

Ég vaknaði klukkan hálf átta og fékk mér hollan og næringarríkan morgunverð. Ég útbjó nesti en nennti ekki að mála mig þannig ég fór ljót í skólann. Þegar þangað kom skráði ég mig í spurningakeppnina "Gáfaðasta fólk FG - fyrir utan Gettu Betur liðið" (ásamt tveimur stelpum sem eru reyndar miklu gáfaðari en ég). Ég horfði á spurningarkeppni í hádegishléinu og nartaði í rófubita. Síðan lærði ég í eyðunni minni og mætti í alla tímana, og kvartaði undan mætingareinkuninni minni við umsjónarkennarann. Eftir skóla varð ég eftir á bókasafninu í rúma þrjá tíma að læra, og fór svo heim og sauð mér ýsu sem ég borðaði á meðan ég las fyrir sögupróf. Núna er klukkan hálf níu og kominn háttatími hjá mér.

Góða nótt börnin mín.

P.s. Þetta var ekki grín.

Lista- og menningarsaga 103

Stundum er leiðinlegt að afla sér heimilda fyrir ritgerðir... og stundum ekki.

Tapsárið

Já gott fólk, það er ekki gaman að tapa í Morfís. En það er ógeðslega gaman að halda tap-partí!

Þarna var hún að fara að berja hann

VEIIIIII ÉG TAPAÐI VEIIIIIII!

Leisertag

Já, það er einn dagur í keppni og það er búið að breyta æfingarplássinu okkar í Gaza svæðið. Bavíönunum í atburðarnefnd datt nefnilega í hug að halda M-16 lazer tag kvöld í skólanum í kvöld, takk fyrir það. Hér hlaupa um sveittir bólugrafnir gæjar í rauðum og grænum vestum með hjálma og ómar harðkjarnarokk um alla bygginguna. Núna get ég ekki farið á klósettið án þess að vera skotin til dauða.

MORFÍS

Já gott fólk, annað kvöld kl. 20:00 á sveitabýlinu Keflavík mun fara fram viðureign Fjölbrautarskólans í Garðabæ og Fjölbrautarskóla Suðurnesja í átta liða úrslitum MORFÍS. Umræðuefnið er Ameríski Draumurinn og mæla FS-ingar með en FG á móti.

Hlakka til að sjá ykkur öll.

Feisbúkk er svo formlegt!

You are about to poke Oliver. He will be informed of this the next time he logs in.

Tælensk/Indversk matargerð

Já, þegar lífið er erfitt og hungrið knýr dyra, þá er oft gott að skella sér í krónuna, kaupa mat fyrir háar peningaupphæðir og kynda undir pönnunni.

Uppskrift (og þessi er frekar stór)

Thai tikka masala a la Hannah & Hekla

3 nautafille (eða kjöt að eigin vali)
1 msk kjötkraftur eða kubbur
1 spergilkál
2 laukar
1 poki kasjúhnetur
3 kartöflur
2 krukkur tikka masala sósa (að eigin vali)
1 matskeið chili mauk
2 pokar tilda basmati hrísgrjón
2 stk naan brauð

Skerið nautafille-ið í litla bita og steikið í gegn á pönnu ásamt kjötkrafti
Skerið spergilkálið, laukana og kartöflurnar í bita og skellið á pönnuna þegar kjötið er gegnsteikt. Ég mæli með sundgleraugum þegar laukurinn er skorinn, ég fann ekki mín... eða kannski átti ég þau aldrei til.
Hellið sósunni á pönnuna og setjið hneturnar út í, svo eina skeið af chili mauk
Látið malla í smá stund og kryddið eftir smekk

Setjið vatn í pott og saltið, látið síðan hrísgrjónin í pottinn þegar suðan kemur upp, sjóðið í 20 mínútur

Stillið ofninn á 180 gráður og bíðið eftir að hann hitni, hellið olíu á naan brauðið og hafið inni í tíu mínútur. Snúið því við á 2 mínútna fresti

Þetta var sársaukafullt

Verði ykkur að góðu!

Blablabla

Stundum hugsa ég mikið um hvað ég vildi að einlægni myndi taka yfir kaldhæðni, að fólk væri ófært um að vera falskt, að ég væri jafn sterk og ég þykist vera, að heimurinn væri ekki með fullkomnun á heilanum og myndi læra að elska gallana jafn mikið og kostina, að allir fengju það sem þeir ættu skilið, að túrverkir, fordómar og yfirborðskennd væru ekki til, að allir sýndu öllu og öllum virðingu, að allar bækur og bíómyndir væru góðar, og allir væru með allt á hreinu.

Á þessum stundum sem ég fer að velta mér mikið upp úr þessu verð ég reið og leið og ósátt og vildi að allir væru að hugsa það sama og ég en það mun eflaust aldrei gerast, þá kemur upp kerfisvilla í heilanum mínum sem segir mér að ég sé komin yfir skynsamleg mörk í neikvæðri orku og þá bara verð ég að fara að sofa, og geri það yfirleitt mjög lengi.

Eruð þið samt ekki bara hress?

( )

Ég veit ekki af hverju ég er að blogga, ég hef nákvæmlega ekkert að segja en mér finnst ég ekki mega hætta því vegna þess að þá hættir fólk að fara inn á síðuna mína og þegar ég loksins finn eitthvað skemmtilegt til þess að skrifa um þá les það enginn.

Svo hérna er bloggið um ekkert. Ekki hætta að koma samt, ég ætla örugglega að blogga um eitthvað, einhvern daginn. Fylgist spennt með.