Í dag er merkilegur dagur.

Ekki bara vegna þess að í dag er þjóðhátíðardagur Íslendinga.

Heldur vegna þess að í dag, akkurat núna, er ég að skrifa hundraðasta bloggið mitt á þessari bloggsíðu. Jebb. Þið megið klappa að vild.

Ég er einmitt sérstaklega hamingjusöm í dag. Byrjun sumars hefur örvandi áhrif á mig andlega og þá sérstaklega þessi dagur. Í ljósi þess ætla ég að endurbirta blogg sem ég skrifaði fyrir ári síðan, þó ekki á þessa síðu.

Sautjándi júní var mjög merkilegur dagur fyrir mér þegar ég var tveggja ára. Þá fékk ég blöðru.

Sautjándi júní var líka mjög merkilegur dagur fyrir mér þegar ég var fimm ára. Þá fékk ég blöðru og kandíflos.

Sautjándi júní var mun merkilegri dagur fyrir mér þegar ég var þrettán ára. Þá var ég í Svíþjóð svo ég forðaðist jarðskjálftann, og fékk sænskar kjötbollur og ný sólgleraugu.

Sautjándi júní var jafnvel merkilegri dagur fyrir mér þegar ég var fimmtán ára. Þá átti ég fullt af nýjum vinum en ég fékk ekkert kandíflos.

Sautjándi júní var ekkert svo merkilegur dagur fyrir mér þegar ég var sextán ára. Ég var bara blindfull og man ekki neitt hvað ég gerði. Ég fékk allavega ekkert kandíflos.

Sautjándi júní var ekki baun í tusku merkilegur dagur þegar ég var sautján ára. Ég og Laufey keyptum bómull (sko alvöru bómull) og rándýrt kandíflos.

(og smá viðbót...)

Sautjándi júní var æðislegur dagur þegar ég var átján ára. Ég og Hannah fórum á Austurvöll með teppi, hvítvínsflöskur og nýbakaða pítsu, borðuðum, hlógum, kjöftuðum, hittum fólk og fengum kandíflos.

.............Hæ hó og jibbý jei og jibb..

Athugasemdir

[Laufey (IP-tala skráð) 18.6.2008 kl. 14:17]

Luuuuckyyy! Í gær þá fór ég að vinna, horfi á tvo Sex and the city þætti og sofnaði kl 22:00 á DK tíma, eða 20:00 á IS tíma  Ég reyndar fékk geðveika köku í mötuneytinu! Svona á sko að fagna 17. júní! Ég samt mundi ekki eftir því að það væri þjóðhátíðardagur Íslendinga fyrr en tveimur tímum fyrir svefn haha.

OG ég man efti bómullinni.