róni.

Ég lenti í frekar fyndnum aðstæðum um daginn.
Ég var að keyra með vinum mínum upp bókhlöðustíginn þegar ég sá mann liggja í götunni. Við fyrstu sýn virtist þetta þetta vera slasaður verkamaður en við nánari athugun komst ég að því að þetta var dauðadrukkinn róni sem gat ekki staðið í lappirnar. Ég tók upp símann og ætlaði að hringja á neyðarlínuna þegar ég sá að þrír litlir brettastrákar stóðu skelkaðir hjá og einn með síma.

Ég skrúfaði niður rúðuna og spurði þá hvort þeir væru að hringja á lögguna og einn strákanna sagði já. Við vorum að keyra í burtu þegar ég heyrði strákinn segja:

"Jááá hæ, heyrðu... það er einhver dauður róni liggjandi hérna...."

Og við hlógum. Ekki að óförum rónans samt, seisei nei.

Athugasemdir

[Elísabet Kristjánsdóttir, 2.4.2008 kl. 19:09]

Hahahaha, þetta fékk mig til þess að hlæja.

[Laufey Mjöll Helgadóttir (IP-tala skráð) 3.4.2008 kl. 14:22]

Ég hló ekki. Mér finnst ekki fyndið þegar fólk liggur hjálparvana í jörðinni. En ég hlæ af gömlu fólki sem dansar, og feitu fólki í bíómyndum.