Hekla Elísabet tjáir sig um bje-eff-eff-gje

"BFFG fundur á föstudaginn 11.janúar kl. 15:10 í stofu A304. Við ætlum að ræða um helgarferðina 18.-20. janúar og skíðaferð. Nýir meðlimir sérstaklega velkomnir.

BFFG stendur fyrir Bindindisfélag FG og er fyrir þá nemendur skólans sem kjósa að drekka ekki áfengi."

"BFFG hélt litlu jól föstudaginn 14. desember. BFFG fékk viðurkenningu frá Ungmennafélagi Íslands fyrir að vera fyrsta opinbera bindindisfélagið í framhaldsskóla og var öllum félögum boðin helgardvöl að Laugum í janúar.

BFFG-ingar gæddu sér síðan á sælgæti í boði Nóa Síríusar og drykkjum frá Vífilfelli. Svo skiptust félagar á pökkum og hlustuðu á Baggalút."

"Nýstofnað bindindisfélag í FG fór í Laser Tag föstudaginn 9. nóvember í boði skólans. Þegar skólanum lauk var safnast saman í bíla og brunað í Kópavoginn þar sem Laser Tag er til húsa. 

Hver BFFG meðlimur spilaði tvo leiki og þáði svo pizzu og gos á eftir og var það kærkomin næring eftir öll átökin inni í salnum.  Það er ekki ofsögum sagt að allir hafi skemmt sér mjög vel og sá sem mætir í fötunum úthverfum á mánudaginn tapaði.  Hver skyldi það vera?"

Fyrirgefið að ég sprengi sápukúlur sakleysisins, elsku dúfurnar mínar, en mismunun af þessu tagi í framhaldsskólum finnst mér nú frekar gróf. Ég virði að sjálfsögðu ákvörðun ungmenna í skólanum um að drekka ekki áfengi, en mér þykir ekki beint við hæfi af skólayfirvöldum að baða þau gjöfum og verðlaunum fyrir það. Í mínum huga eru þeir sem ekki drekka áfengi að engu leyti æðri en þeir sem gera það stundum. Það að skólinn eyði pening í að bjóða í laser tag og fæði heila klúbbinn finnst mér fremur undarlegt á meðan skólameistarinn sjálfur er í forsíðufrétt framan á blaðinu "24 stundir" þar sem hann hellir úr bala reiði sinnar yfir því að unglingar skuli halda fyrirpartý fyrir böll og DREKKA. Hann hefur meira að segja viðurkennt að hann vilji öll böll inn í skólana, ég þarf nú varla að útskýra fyrir glöggu fólki að það myndi binda enda á allt félagslíf í skólanum. 

Stuðningur við bindindisfélag væri svosem ekkert óviðeigandi en þetta er hrein og bein mismunun.

Svo eru líka skrifaðar fréttir um hverja einustu hreyfingu félagsins en ég minnist þess ekki að hafa séð eina frétt á heimasíðu skólans þess efnis að ræðulið skólans væri að fara að keppa í morfís á sínum tíma, tjah, maður verður að velta svona hlutum fyrir sér...

Athugasemdir

[Elísabet Kristjánsdóttir, 11.1.2008 kl. 06:59]

Pff, þetta bindindis lið er fólk sem er ófrítt og var kæft af mæðrum sínum í æsku. Leyfum þeim bara að fá pizzu og fara í leiser tag eða eitthvað.

[Kristín Reynisdóttir (IP-tala skráð) 13.1.2008 kl. 12:27]

Ég skal bjóða þér í leiser tag um leið og þú leggur flöskuna frá þér...Kannski pissusneið og smá blogg um ferðina okkar. Já, það er til mikils að vinna góða mín.

[Tóta (IP-tala skráð) 22.1.2008 kl. 20:32]

eg er alveg hrikalega sammála þér hekla. er buin að pæla soldið í þessu.

af hverju er verið að splæsa svona mikið i þessi börn...

ég er í skóla þótt ég drekki
ég vinn þótt ég drekki
ég næ áföngum þótt ég drekki

?? hvað er málið...fæ ég engin verðlaun?

kv. tóta sem er rosalega leið út í fg!